logo of cricketingnepal.com

काठमाडौंको कप्तानी श्रीलंकाका फरभेज महारुफले गर्ने (फोटो फिचर)

Dec 15, 2017 | Cricketingnepal |

काठमाडौं किंग्स ११ ले आगामी सोमवारबाट शुरु हुने एभरेष्ट प्रिमियर लिग (ईपिएल) का लागि श्रीलंकाका पुर्व अलराउन्डर फरभेज महारुफलाई आफ्नो टोलीको कप्तानका रुपमा नियुक्त गरेको छ । काठमाडौंमा एक पत्रकार सम्मलेलन गर्दै काठमाडौंले महारुफलाई कप्तान नियुक्त गरेको हो । 

३३ वर्षिय अलराउन्डर महारुफले श्रीलंकाको लागि २२ टेष्ट, १०९ एकदिवसीय र आठ ट्वान्टि ट्वान्टि खेलेका छन् । २२ टेष्टमा उनले ५५६ रन बनाएका थिए भने २५ विकेट लिएका थिए । त्यस्तै १०९ एकदिवसीयमा उनको ब्याटबाट १११३ रन निक्लेको थियो भने १३५ विकेट आफ्नो नाममा लेखाउन सफल भएका थिए ।

ट्वान्टि ट्वान्टिमा श्रीलंकाको तर्फबाट मात्र आठवटा खेल खेलेका महारुफले पाँच पारीमा मात्र ३३ रन बनाउन सके भने सात विकेट लिन सके ।

नेपालका तिब्र गतिका बलर सोमपाल कामी मार्की खेलाडी रहेको काठमाडौंका अन्य दुई विदेशी खेलाडीमा अक्ष्य फर्नान्डेज र सागर कुमार रहेका छन् ।

नेपालको सबै भन्दा ठुलो फ्रेन्चाईज बेस क्रिकेट प्रतियोगितामा काठमाडौंले आफ्नो पहिलो खेलमा ललितपुर प्याटरियोट्स बिरुद्द सोमवार प्रतिस्पर्धा गर्नेछ । 

ईपिएललाई अन्तर्राष्ट्रिय क्रिकेट काउन्सिलले (आईसिसी) हिजो मात्र मान्यता दिएको थियो । नेपाली प्रतियोगिताले आईसिसीको मान्यता पाएको यो नै पहिलो पटक हो ।

























LIVE MATCH CENTER

{{match.teamAName}} - {{match.teamARun}} / {{ match.teamAFOW}} ( {{match.teamAOver}} / {{match.matchOver}} Overs)

VS

{{match.teamBName}} - {{match.teamBRun}} / {{ match.teamBFOW}} ( {{match.teamBOver}} / {{match.matchOver}} Overs)

Click here for Full Scorecard

{{errormessage}}